tg-me.com/Statues_WhatsApp/198765
Last Update:
وهمسلي قالي الحق عليه، نسيت ساعتها بعدنا ليه!
هيك الست وضحت روح كل بنت فينا، يمكن تم وصف الإناث بالإجماع بعدم العقلانية، وإنو منميل دائماً للعاطفة، لهيك أسباب، منزعل ومنحن، منكره ومنحب، ممكن شخص ماكنا نحبو بس ابتسم بوجهنا، منرجع منفتحلو صفحة من هالقلب ومنقلو صار إلك دفتر كامل يلا قلب فيه براحتك!
مش يمكن لأ أكيد إنو منغرق لما نحس بالإهتمام، لما نحس إنو هالشخص فيه يجي ع كرامتو بس نحنا مانزعل..
شخص يشوفنا ملائكة بكل عيوبنا، ويطبطب علينا بوقت الكل فيه عم يذم بشخصيتنا..
حدا يعرف إنو لما نغلط أو يطلع منا شي سيئ ما يفل، مايقول أنا اكتفيت!
أنا كتفيت وجع، اكتفيت غيرة، اكتفيت شك، اكتفيت جنان، اكتفيت أغلاط..
لأن يلي بحب بضل يعطي بس حصراً يعطي لما الشخص الثاني يكون بيستاهل هالعطاء، الحب مافيه اكتفاء، نحنا منحب لينقطع منا النفس!
الحب الحقيقي يلي بيشبه حب الأهل، ببساطة أهلك قد ما غلطت مابقولوا خلص ماعاد بدنا ياه!
بحبونا بكل عيوبنا قبل مميزاتنا!
كل ما غلطنا، بيوجدوا لألنا عذر ومبرر!
إنك تلاقي حدا يحبك لأنك أنت، وماتهون عليه تكشيرة وجهك، هاد الحدا يلي جد بكون نعمة من الله.
وهمسلي قالي الحق عليه، نسيت ساعتها بعدنا ليه!
آليسار المقداد
BY Statues WhatsApp
Warning: Undefined variable $i in /var/www/tg-me/post.php on line 283
Share with your friend now:
tg-me.com/Statues_WhatsApp/198765